Meall bhon Àird an Iar
Dealbhan a ghabh neach-dealbh Suaineach Gösta Sandberg ann an 1977
Caite: Museum nan Eilean, Lionacleit
Cuin: Disathairne 10 Gearran – Dihaoine 31 Cèitean 2024
’S e fear-togail dhealbhan-camara dha taighean-tasgaidh agus neach-tasgaidh a tha ann an Gösta Sandberg. Thug e iomadh bliadhna ag obair san taigh-tasgaidh ionadail aige ann an Alingsäs anns an t-Suain. San Iuchair 1977 chuir e seachad grunn sheachdainean a’ siubhal anns na h-Eileanan an Iar. Tha a dhealbhan ealanta a bharrachd air a bhith aithriseach nan stoidhle, agus tha iad nan clàr sònraichte de na h-eileanan air an t-samhradh ud.
Mar ghille a’ fàs suas san t-Suain bha Sandberg air a bheò-ghlacadh le na h-eileanan, tric a’ cluinntinn mu “mheall bhon àird an iar” air aithrisean mun aimsir ionadail. Air a thuras, a bharrachd air ùidh sgoilearach, bha ùidh aige cuideachd ann a bhith a’ coinneachadh agus a’ còmhradh ri daoine. Bha e a’ dol a-mach a h-uile latha le a chamara, a’ còmhradh riuthasan ris an coinnicheadh e agus a’ togail an dealbhan agus na seallaidhean a chunnaic e air a thuras.
Thug e an cruinneachadh dhealbhan mar thiodhlac dha Tasglann nan Eilean ann an 2017, 40 bliadhna an dèidh a thuras.
Tha taghadh den obair aige air a thaisbeanadh. Ma tha ùidh agaibh an tuilleadh dhealbhan fhaicinn no an tuilleadh ionnsachadh, faic an duilleag seo.
