Tar-shealladh air cruinneachaidhean an Tasglainn
Ro-ràdh mu chruinneachaidhean an tasglainn
Tha Tasglann nan Eilean a’ rianachd clàran eachdraidheil Chomhairle nan Eilean Siar agus na buidhnean a bha ann roimhe, cho math ri tasglainn bhuidhnean agus dhaoine fa leth a tha air a bhith air an toirt seachad mar thiodhlac no thabhartas. Tha na cruinneachaidhean san tasglann ann an ceithir prìomh roinnean:
- Clàran foghlaim mar leabhraichean-clàraidh, clàran-cead agus clàran bòrd-sgoile;
- Clàran riaghaltas ionadail co-cheangailte ri cuspairean mar lagh nam bochd, slàinte a’ phobaill, taigheadas agus còmhdhail;
- Clàran ospadal agus slàinte;
- Tiodhlacan agus tabhartasan a dh’fhaodadh a bhith a’ gabhail a-steach clàran ghnothachasan, oighreachdan no urrasan, clubaichean agus comainn, eaglaisean, cruinneachaidhean dhealbhan agus pàipearan pearsanta.
Gus tuilleadh fhaighinn a-mach mu na cruinneachaidhean a tha san tasglann thoiribh sùil air na h-earrannan iomchaidh. Faodaidh sibh cuideachd rannsachadh a dhèanamh air an Stòr-dàta air-loidhne. Bithibh mothachail nach eil na cruinneachaidhean air fad air a bhith air an cur air an stòr-dàta seo. Cuiribh fios gu archives@cne-siar.gov.uk ma tha ceist shònraichte agaibh.
